गछिया / मोरङको सुन्दरहरैंचा ५, तीनपैनी चोकमा रहेको भानु साँझा पुस्तकालयको सभाहलमा भानु साँझा पुस्तकालयको आयोजनामा शुक्रबार साहित्यकार पुरण याक्खाद्वारा लिखित दुई कृति गर्भभित्र कविता संग्रह र झुपडी कथा संग्रहको लोकार्पण समारोह सम्पन्न भएको छ।
कार्यक्रममा पुरण याक्खाकाे सभाध्यक्षता रहेको थियो। कार्यक्रमका प्रमुख अतिथि प्रा.डा. टङ्क न्यौपाने रहेका थिए। कार्यक्रममा साहित्यकारहरू बमदेवन, प्रा. टिका आत्रेय, कवि मनु मञ्जिल, छवि बैरागी, प्रदेश माननीय मिना श्रेष्ठ, बिरेस राई, विश्व आदर्श कलेजका अध्यक्ष लेखनाथ घिमिरे, कृष्ण बिनोद लम्साल, केशव सनम, लगायत विभिन्न साहित्यकारहरूको उपस्थिति रहेको थियो।
कार्यक्रममा उपस्थित जनसमुदायहरूलाई स्वागत भाषणद्वारा स्वागत सम्बोधन लाेक बहादुर तामाङले गरेका थिए। कार्यक्रम सञ्चालन संस्थाका सचिव गीता प्रसाद श्रेष्ठले गरेका थिए। कार्यक्रममा साहित्यकार पुरण याक्खाद्वारा लिखित दुई कृतिहरू गर्भभित्र कविता संग्रह र झुपडी कथा संग्रहको लोकार्पण प्रमुख अतिथि टङ्क न्यौपाने, विशिष्ट अतिथिहरूको साथ मा भएको थियो।
कार्यक्रममा साहित्यकार पुरण याक्खाको दुई कृतिमाथि प्रकाश पार्दै प्रमुख अतिथि, विशिष्ट अतिथि र अतिथिहरूले निरन्तर कलम चलाउँदै कृतिमान कायम राख्न र प्रगतिको उत्तरोत्तर कामना गर्दै बधाई तथा शुभकामना मन्तव्य दिएर बोलेका थिए।
