रवि लामिछानेको अर्काे काण्डकाे पर्दाफास, उनकाे भाेट दिनेहरू पछुताउँदै ?

जागृति खबर संवाददाता

१० माघ, काठमाडौं ।

सुशासन र जनजिविकाका सवालमा खराे उत्रने भनेर जनताकाे भाेट लिएका रवि लामिछानेको अर्काे काण्ड बाहिरिएकाे छ ।

नागरिकता र पासपोर्ट कीर्ते काण्ड, म्यानपावर व्यवसायी तथा आफूलाई ब्राण्ड एम्बेसडर बनाउने संस्थाकाे मालिकलाई समानुपातिक सांसदमात्र हाेइन श्रममन्त्री बनाउने काण्डपछि रविकाे सुविधाभाेगी काण्ड बाहिर आएकाे हाे ।

टेलिभिजन र चुनावका बेला जनताकाे सुखदुखसँगै हुने तथा विलासिता जीवन नचाहिएकाे भनेका रविले अहिले आएर आफूलाई उच्च ओहदाकाे सामन्ती जस्ताे ठानेर विलासिता खाेजेका हुन् ।

उनले गृहमन्त्री भएपछि मन्त्रीले चढ्ने गाडी पुरानाे भयाे भनेर नयाँ गाडी खाेजेका छन् । देश आर्थिक संकटमा फस्दै गइरहेकाे र सरकारले गाडी लगायत नयाँ वस्तु किन्न नसक्ने अवस्था सिर्जना भएका बेला रविले अहिले चढिरहेकाे गाडी पुरानाे र थाेत्राे भन्दै नयाँ गाडी मागेकाे गृह मन्त्रालयका एक कर्मचारीले बताए । सुधारकाे कुरा गर्ने रविले नै नयाँ गाडी खाेजेपछि उनलाई आशा गरेर स्वतन्त्र पार्टीलाई भाेट दिएका जनता निराश भएका छन् ।

गण्डकी प्रदेश : माओवादीबाट मन्त्री बन्नेको टुङ्गो
नेकपा (माओवादी केन्द्र)ले म्याग्दीका प्रदेशसभा सदस्य रेशमबहादुर जुग्जाली ‘सुविन’लाई गण्डकी प्रदेश सरकारमा पठाउने भएको छ । सोमबार बसेको सो पार्टीको संसदीय दलको बैठकले जुग्जालीलाई मन्त्री बनाउने निर्णय गरेको माओवादीका एक प्रदेशसभा सदस्यले जानकारी दिनुभयो ।

माओवादी केन्द्रबाट संसदीय दलको नेता हरिबहादुर चुमान यसअघि नै मन्त्रीमा नियुक्त भइसक्नुभएको छ । प्रदेश सरकारले मन्त्रालयको सङ्ख्या घटाएर १२ बाट सातमा पु¥याएपछि माओवादीले दुई मन्त्री पाउँदैछ । जुग्जाली म्याग्दीको प्रदेशसभा क्षेत्र (२)बाट निर्वाचित हुनुभएको थियो ।

उनान्चालीस वर्षीय उहाँ माओवादी केन्द्रको म्याग्दी जिल्ला संयोजकसमेत हुनुहुन्छ । मालिका गाउँपालिका–७ का जुग्जाली विसं २०७४ को स्थानीय तह चुनावमा वडाध्यक्षमा निर्वाचित हुनुभएको थियो । जुज्जाली सहिद परिवारको सदस्य हुनुहुन्छ ।
पार्टीले जुग्जालीलाई मन्त्री बनाउने निर्णय गरे पनि कुन मन्त्रालय पाउने भन्ने अझै टुङ्गो नलागेको माओवादी केन्द्रले जनाएको छ । सो पार्टीबाट सुशीला सिम्खडा र माओवादीको चिह्नबाट गोरखामा चुनाव जित्नुभएका नेपाल समाजवादी पार्टीका फडिन्द्र देवकोटा पनि मन्त्रीका लागि आकाङ्क्षी देखिनुभएको थियो ।

सरकारका प्रवक्ता एवं मन्त्री सीताकुमारी सुन्दासले मन्त्रिपरिषद्ले अब छिट्टै पूर्णता पाउने बताउनुभयो । “कुन मन्त्रालय कसले पाउने भन्ने विषय अझै छलफलमै छ, अब जतिसक्दो चाँडै मन्त्रिपरिषद् विस्तार हुन्छ”, उहाँले भन्नुभयो । गत पुस २५ गते मुख्यमन्त्री खगराज अधिकारीसहित तीन विनाविभागीय मन्त्रीले पद तथा गोपनीयताको शपथ लिनुभएको थियो ।

बिनाविभागीय मन्त्रीको हैसियतामा माओवादी केन्द्रका हरिबहादुर चुमान, नेकपा (एमाले)बाट सीताकुमारी सुन्दास र राष्ट्रिय प्रजातन्त्र पार्टीका पञ्चराम गुरुङ रहनुभएको छ । एमालेले थप दुई मन्त्री सरकारमा पठाउनेछ । मन्त्रालय घटाउने निर्णयसँगै एमाले र माओवादीका गरी अब तीन मन्त्रीमात्र नियुक्त हुनुहुनेछ ।