बुद्ध एयरले बेच्यो दुइ थोत्रा जहाँज, कहाँ उड्छन अब ?

जागृति खबर संवाददाता

८ माघ, काठमाडौं ।

बुद्ध एयरले २५ वर्ष पुराना दुईवटा जहाज बेचेको छ । बुद्धले क्यानडाको स्काइ लिङ्क कम्पनीलाई सन् १९९७ किनेको नाइन एन ईई र सन् १९९८ मा ल्याइएको नाइन एन एई डब्लु जहाज बेचेको हो ।

कम्पनीले २५ वर्ष डलरको मूल्य ६० रुपैयाँ हुँदा प्रति जहाज ४।५ मिलियन डलरमा खरिद गरेको बुद्ध एयरका प्रबन्ध निर्देशक वीरेन्द्र बहादुर बस्नेतले जानकारी दिए । जहाज पुरानो हुँदै गएपछि मर्मत खर्च धेरै हुने भएकाले जहाज बेचिएको उनले बताए ।

२५ वर्षमा यी जहाजबाट ७५ हजार अवतरण गरिएको थियो । हाल बुद्ध एयरसँग ७२ सिट क्षमताका ११ वटा एटीआर ७२ र तीनवटा एटीआर ४२ जहाज छन् । त्यसैगरी, तीनवटा नयाँ एटीआर जहाज खरिद गर्ने तयारी रहेको कम्पनीले जनाएको छ ।

नातिकाजी राष्ट्रिय सङ्गीत सम्मान तथा पुरस्कार प्रदान
नेपाली मौलिक गीत, सङ्गीतको क्षेत्रमा विशिष्ट योगदान पु¥याउने स्रष्टालाई नातिकाजी स्मृति समाजले नातिकाजी श्रेष्ठको ९८औँ जन्मजयन्तीका अवसरमा शुक्रबार शीतल निवासमा एक समारोहको आयोजना गर्दै राष्ट्रपति विद्यादेवी भण्डारीले ‘नातिकाजी राष्ट्रिय विशिष्ट सङ्गीत सम्मान तथा पुरस्कार’ प्रदान गर्नुभएको छ ।

कार्यक्रममा राष्ट्रपति भण्डारीले विभिन्न जातीय समुदायका मौलिक संस्कृतिसँगै गीतसङ्गीतले नेपालको भौगोलिक विविधताको समेत प्रतिनिधित्व गर्ने र विश्वभर रहेका नेपालीबीच आत्मीय सम्बन्ध स्थापित गर्ने क्षमता राख्ने बताउनुभयो । कार्यक्रममा ‘नातिकाजी राष्ट्रिय विशिष्ट सङ्गीत सम्मान २०७८’ बाट मनबहादुर मुखिया, दीपानारायण झा, प्रदीपराज पाण्डे, फणीन्द्र राई, दीप तुलाधर, बिके राना, कन्हैयासिंह परियार, शुभ मुकारुङ र अमर बान्तु सम्मानित हुनुभएको थियो ।

यस्तै ‘नातिकाजी राष्ट्रिय पुरस्कार’ बाट एकनारायण भण्डारी, कालीप्रसाद बाँस्कोटा, राज सिग्देल र माण्डवी त्रिपाठी, ‘नातिकाजी राष्ट्रिय प्रतिभा पुरस्कार’ बाट देबेन गिरी, दीपक शर्मा, कृष्ण काफ्ले र अस्मिता अधिकारी, ‘राष्ट्रिय लोक सङ्गीत पुरस्कार’ बाट लोक गायिका देवी घर्ती, ‘राष्ट्रिय शास्त्रीय सङ्गीत पुरस्कार’ बाट चन्दनकुमार श्रेष्ठ, ‘नातिकाजी राष्ट्रिय सङ्गीत संयोजक तथा वाद्य पुरस्कार’ बाट रबिन कार्की ढली तथा ‘नातिकाजी राष्ट्रिय नवप्रतिभा पुरस्कार’ बाट आशिष सचिन गौतम पुरस्कृत हुनुभएको थियो ।

सोही कार्यक्रममा ‘नातिकाजी राष्ट्रिय कला पत्रकारिता पुरस्कार–२०७८’ बाट रङ्गपत्रकार डब्बु क्षेत्री र कुवेरराज गिरी पुरस्कृत हुनुभएको थियो । कार्यक्रममा समाजका अध्यक्ष शम्भूजित बाँसकोटाले नेपाली सङ्गीतको मौलिक सिर्जनाका क्षेत्रमा नातिकाजीको अतुलनीय योगदानको चर्चा गर्नुभएको थियो ।