यी ५ रोगका बिरामीले कस्तो मासु, कति खाने ?

जागृति खबर संवाददाता

काठमाडौं ।

मासु प्रोटिनयुक्त पौष्टिक आहार हो । यसमा कोलस्ट्रोल, चिल्लो र नुन प्रशस्त मात्रामा पाइन्छ । ठीक मात्रामा खाए मात्र मासु लाभदायी हुन्छ । विशेषगरी रोग लागेका व्यक्तिहरुले मासु खाँदा बढी सचेत हुनुपर्छ । कस्ता रोगका बिरामीहरुले कसरी र कस्तो मासु खाने भन्ने बारेमा चर्चा गरिएको छ ।

१. मुटु रोग
मुटु रोगका बिरामीहरुका लागि कोलस्ट्रोल निकै हानिकारक हुन्छ । खसीको मासुमा कोलस्ट्रोल, नुन र तेल बढी हुन्छ । त्यसैले मुटु रोगीहरुले खसीको मासु कम खानु उपयुक्त हुन्छ ।

२. मिर्गौला
मिर्गौला रोगका बिरामी लागि मासु लाभदायी हुँदैन । डायलाइसिस गरिरहेकाहरुले एक दुई टुक्रा खाँदा खास असर गर्दैन । तर, मिर्गौला फेल भइसकेकाहरुले भने मासु खानु नै हुँदैन ।

३. युरिक एसिड
युरिक एसिडको समस्या हुनेहरुका लागि पनि मासुको प्रशस्त सेवन राम्रो मानिन्न । यद्यपी थोरै मात्रामा खाँदा हुन्छ । यो समस्या भएकाहरुका लागि रातो मासुभन्दा सेतो मासु राम्रो हुन्छ ।

४. मधुमेह
मधुमेह रोगमा मासुले कुनै असर गर्दैन । सेतो वा रातो दुवै मासु खान सकिन्छ । तर अधिक सेवन भने सामान्य अवस्थामा पनि राम्रो मानिन्न ।

५. कब्जियत
कब्जियतको मुख्य कारण नै मासु हो । त्यसैले कब्जियत भएकाहरुले सबै प्रकारका मासुको सेवन बन्द गर्नुपर्छ ।

यी बानीले (किड्नी फेल) मिर्गौलालाई नोक्सान पुर्याउछ, स्वस्थ रहन यी गल्ती नगर्नुहोस्
शरीरको समग्र स्वास्थ्य कायम राख्नका लागि सबै अंगहरूको उचित कार्य आवश्यक मानिन्छ। मिर्गौला शरीरको एक महत्वपूर्ण अंग हो, जसले शरीरबाट विषाक्त पदार्थ बाहिर निकाल्नुका साथै रगतलाई सफा राख्न मद्दत गर्छ। मिर्गौलाले पिसाबको माध्यमबाट शरीरबाट फोहोर बाहिर निकाल्ने काम गर्छ ।

यसका साथै यसले शरीरमा रहेका सोडियम, पोटासियम र क्याल्सियम जस्ता सबै रसायनलाई सन्तुलित राख्न पनि महत्त्वपूर्ण भूमिका खेल्छ। कुनै कारणले मिर्गौला बिग्रिएमा शरीरका हानिकारक तत्वहरु बाहिर निस्कन नसक्दा बिस्तारै शरीरका अन्य अंगहरुपनि ड्यामेज हुने र ज्यान जाने जोखिम बढ्न सक्छ ।

यस्तो अवस्थामा मिर्गौलाको स्वास्थ्यको ख्याल गर्नु निकै जरुरी हुन्छ । तर तपाईको जीवनशैलीमा समावेश गरिएका पाँच बानी मिर्गौलाका लागि हानिकारक हुनसक्छ र बिस्तारै मिर्गौलालाई हानि पु¥याउन सक्छ । मृगौलामा नराम्रो असर पार्ने बानी बारे जान्नुहोस्।

कम पानी पिउनुहोस्

मिर्गौला स्वस्थ राख्न दिनभर पाँचदेखि सात लिटर पानी पिउनुपर्छ । कम पानी पिउनाले मिर्गौलालाई प्रत्यक्ष रूपमा गम्भीर क्षति पुर्‍याउँछ। मिर्गौलाले पानीको माध्यमबाट शरीरबाट विषाक्त पदार्थ बाहिर निकाल्छ। मृगौलाले राम्रोसँग काम गर्नका लागि शरीरमा पर्याप्त मात्रामा पानी हुनु आवश्यक हुन्छ ।

अत्यधिक चिनी सेवन

मिठाई सिमित मात्रामा खाइयो भने हानिकारक छैन तर धेरै चिनीको सेवन गर्दा मिर्गौला बिग्रन्छ । साथै धेरै गुलियो खानेकुराले मधुमेह निम्त्याउन सक्छ। त्यसैले गुलियो चिज सिमित मात्रामा सेवन गर्नुपर्छ ।

अत्यधिक नुन सेवन
खानामा धेरै नुन सेवन गर्नु पनि स्वास्थ्यका लागि हानिकारक हुनसक्छ । नुन सिमित मात्रामा सेवन गर्नुपर्छ । गुलियो चिज जस्तै धेरै नुन खाँदा त्यसको प्रत्यक्ष असर मिर्गौलामा पर्छ र मिर्गौला कमजोर हुन सक्छ ।

निद्राको कमी

स्वस्थ रहन, हरेक दिन लगभग ७ देखि ९ घण्टा राम्रो निद्रा लिन सिफारिस गरिन्छ। शरीरका सबै अंगहरूलाई आराम चाहिन्छ। जसको लागि निन्द्रा पूर्ण हुनुपर्छ । तर निद्रा नपुग्दा मिर्गौलालगायत अन्य धेरै अंगमा प्रतिकूल असर पर्छ । अनिद्राले मृगौलालाई क्षति पुर्‍याउन सक्छ।

पेनकिलरको अत्यधिक प्रयोग

मानिसहरु प्रायः कुनै न कुनै शारीरिक समस्यामा पेनकिलर वा अन्य दुखाई कम गर्ने औषधि सेवन गर्छन् । तर यदि तपाईले दिनचर्यामा औषधि सेवन गर्नुभयो भने यो तपाईको स्वास्थ्यको लागि हानिकारक हुन सक्छ। पेन किलरमा बलियो नुन हुन्छ, जसले मृगौलालाई शरीरबाट बाहिर निकाल्न नराम्रो असर गर्छ। पेनकिलरको अत्याधिक सेवनले मृगौलालाई क्षति पु¥याउन सक्छ र तपाईको ज्यान समेत जान सक्छ ।