राजेशपायलको सरप्राइजः २६ वर्ष कान्छी प्रेमीकाबाट पुत्रलाभ

जागृति खबर संवाददाता

काठमाडौं ।

गायक राजेशपायल राईलाई अहिले पनि सबैले सोध्ने प्रश्न हो– विवाह कहिले गर्ने ? उनले आफूलाई अहिलेसम्म अविवाहित व्यक्तिकै रुपमा पेश गरिरहेका छन् । तर, सबैलाई आश्चर्यमा पार्ने खबर यो छ कि उनी एक सन्तानका बाबु हुन् ।

राजेशपायल केही समयदेखि साङबुङ राई नामकी युवतीसँग लिभइनमा थिए । करिब दुई महिनाअगाडि उनीहरुलाई पुत्रलाभ भएको निकटस्थ स्रोतले बतायो । यो खबरलाई राजेशपायलले अहिलेसम्म गोप्य राखेका छन् ।

उमेरले राजेशपायलभन्दा २६ वर्ष कान्छी हुन् साङबुङ । राजेश ४६ वर्षका भए भने साङबुङ मात्र २० वर्षकी छिन् । साङबुङ एक फ्यानको रुपमा राजेशपायलसँग नजिकिएकी थिइन् । बताइएअनुसार एक साथीमार्फत अनौपचारिक तवरले उनीहरुको भेट भएको थियो । दुवै एक–अर्काप्रति आकर्षित बनेका थिए । त्यसपश्चात केही समयको अफेयरपछि उनीहरु लिभिङ टुगेदरमा बस्न थालेको निकटस्थ स्रोतको भनाइ छ ।

साङबुङसँगको प्रेम सम्वन्धलाई राजेशपायलले कहिल्यै सार्वजनिक गर्न चाहेनन् । साङबुङले भने बेलाबखत राजेशपायलसँग टिकटक भिडियोहरु बनाएर हाल्ने गर्थिन् । त्यसबाट कतिपयलाई उनीहरुको सम्वन्धबारे आशंका नभएको होइन । तर, एकदमै निकटबाहेक कसैलाई पनि एकिन थिएन ।

दुई महिना अगाडि धुम्बाराहीकाे ह्याम्स अस्पतालमा साङबुङले छोरा जन्माएपछि टिकटकमा एउटा तस्वीर पोष्ट गरेकी थिइन् । लभ इमोजी सहित पोष्ट गरेको उक्त तस्वीर उनले केहीबेरमै हटाइन् । राजेशपायलको दवावमा तस्वीर हटाएको अनुमान गरिएको थियो ।

उनीहरुले विवाह गरिसकेका छन् वा छैनन् भन्ने खुलेको छैन । काठमाडौंको शान्तिनगर र नक्सालमा दुईवटा घर छन् राजेशपायलका । नक्सालको घरमा राजेशले आफ्नी प्रेमिकालाई राखेका छन् ।

के सुत्ने बेला पनि मोबाईल फोन साथमै राखेर सुत्नु हुन्छ ? साबधान यस्तो समस्यामा पर्नु होला है !
धेरै मानिस सुत्ने समयमा आफ्नो मोबाइल फोन आफूभन्दा टाढा राख्न रुचाउँदैनन्। त्यसैले उनीहरु मोबाइल फोनलाई सिरानीमुनि वा आफ्नो खाटनजिकै राख्ने गर्छन्। यस्तो गर्नुको कारण धेरै हुन सक्छ। तर, सबैभन्दा मुख्य कारण भनेको सुत्ने समयमा मोबाइल चलाउने बानी हो। प्यु रिसर्च सेन्टरले गरेको एक सर्वेक्षणअनुसार ६५ प्रतिशत वयस्क र ९० प्रतिशत किशोर आफ्नो फोन साथमा लिएर सुत्ने गर्छन्।

यद्यपि यसो गर्दा यसले मानिसको स्वास्थ्यमा भने नकारात्मक असर पारिरहेको हुन्छ। स्मार्टफोन साथमा लिएर सुत्ने बानीले मानिसमा थकान र राम्रो मुड नहुने समस्या पनि हुन सक्छ। त्यस्तै सुत्नुभन्दा अगाडि मोबाइल चलाउनाले ब्लु लाइटको कारण राम्रो निद्रा नपर्ने समस्या पनि हुन सक्छ। यसबाहेक पनि अन्य धेरै नोक्सानी छन्, जुन मोबाइल फोन सुत्ने समयमा आफ्नो साथमा राख्नाले उत्पन्न हुन सक्छ। मोबाइल फोन आफ्नो साथमा राखेर सुत्नाले धेरै किसिमको बेफाइदा हुन सक्छ।

मोबाइल फोनबाट हानिकारक रेडिएसन निस्किन्छ। जसले मानिसको मस्तिष्कलाई असर पार्न सक्छ। जसको कारण टाउको दुख्ने, मांसपेशी दुख्ने तथा अन्य स्वास्थ्यसम्बन्धी समस्या देखिन सक्छ।मोबाइल फोन रेडिएसन इरेक्टाइल डिसफंक्सनसँग जोडिएको हुन्छ। यसका साथै मोबाइल फोनबाट निस्किने ब्लु लाइटले निद्रा लगाउने हर्मोनलाई पनि बाधित गर्ने काम गर्छ। जसलाई मेलाटोनिन पनि भनिन्छ। यसले सर्केडियन रिदमलाई पनि अवरोध गर्छ। जसको कारण सुत्नमा समस्या हुन्छ।

डब्ल्यूएचओ के भन्छ? विश्व स्वास्थ्य संगठन (डब्ल्यूएचओ)का अनुसार फोनबाट निस्किने आरएफ रेडिएसनले मानिसमा एक प्रकारको मस्तिष्क क्यान्सर ग्लियोमाको जोखिम उत्पन्न हुन सक्छ।

सुत्ने समयमा कति टाढा हुनुपर्छ फोन? फोनलाई आफूभन्दा टाढा लैजाने बित्तिकै फोनबाट निस्किने रेडिएसनको कारण पर्ने असर आफैं कम हुन्छ। यद्यपि यसको लाथि कुनै दुरीको निश्चित सीमा दिइएको छैन। सामान्यतया सुत्ने समयमा मोबाइल फोनलाई कम्तीमा ३ फिट टाढा राख्नु राम्रो मानिन्छ।

कसरी छाड्ने मोबाइल चलाउँदै सुत्ने लत? सुत्नुअघि मोबाइल फोन चलाउने लत छाड्ने एउटा उपाय मोबाइल फोनलाई साइलेन्ट मोडमा राख्नु वा अफ गर्नु हो। रातको समयमा पनि कल गर्नुपर्ने अवस्था छ भने मोबाइललाई आफ्नो खाटभन्दा टाढा राख्न सकिन्छ। अलार्मको लागि घडीको प्रयोग गर्नुहोस्। त्यस्तै सुत्नुभन्दा अगाडि ई–बुक पढ्ने आदत भएका मानिसले वास्तविक पुस्तक पढ्ने बानी बसाल्नु राम्रो हुन्छ।