कांग्रेस उपसभापतिमा पूर्णबहादुर खड्का र धनराज गुरुङ विजयी !

जागृति खबर संवाददाता

१ पुस, काठमाडौं ।

नेपाली कांग्रेसको उपसभापतिमा पूर्णबहादुर खड्का र धनराज गुरुङ निर्वाचित भएका छन् ।

बुधबार राति अबेर प्राप्त मत परिणाम अनुसार सभापति शेरबहादुर देउवा पक्षका उम्मेदवार खड्का र शेखर कोइराला पक्षका उम्मेदवार गुरुङ निर्वाचित भएका निर्वाचन समितिका एक सदस्यले बताए ।

देउवा पक्षका उम्मेदवार विजयकुमार गच्छदार दुई मतान्तरले पराजित भए । यद्यपि निर्वाचन समितिले आधिकारिक घोषणा गरेको छैन ।

गुरुङ्ले गच्छादारलाई जम्मा ३ मत बढि ल्याएर पराजित गरेका हुन् ।

सभापतिमा पराजित डा. शेखर कोइराला समुहका चन्द्र भण्डारी र देउवा समुहका विजय गच्छादार, प्रकाशमान सिंह समुहकी सुजता कोइराला र विमलेन्द्र निधी समुहकी दिव्यश्वरी शाह पनि पराजित भएका छन् ।

देउवा प्यानलबाट प्रतिस्पर्धामा रहेका विजय गच्छदार र शेखर प्यानलका चन्द्र चण्डारी प्रतिस्पर्धात्मक रुपमा पराजित भए। चार बाहकेका अन्य उम्मेद्वारले ५०० मत कटाउन सकेनन्। सभापतिमा दुई पदका लागि सात जनाको उम्मेद्वारी परेको थियो।

निर्वाचन समितिका अनुसार अब महामन्त्री पदको मतगणना हुनेछ। दुई महामन्त्रीका लागि ६ जना प्रतिस्पर्धामा छन्।

महामन्त्रीमा देउवा प्यानलबाट प्रकाशरण महत र प्रदीप पौडेल प्रतिस्पर्धामा छन्। यस्तै, शेखर प्यानलबाट गगन थापा र मीनेन्द्र रिजाल प्रत्यासी छन्। यस्तै, प्रकाशमान सिंह प्यानलबाट विश्वप्रकाश शर्मा छन्। राजाराम कार्की पनि महामन्त्रीको प्रतिस्पर्धामा छन्।