कुन कुन देशबाट भैरहवा उडान सिधा हुन्छ ? कति सस्तो होला भाडा ?

जागृति खबर संवाददाता

२ मंसिर, काठमाडौं ।

भेटमा राजदूत गोदरले इजरायल–भैरहवा सिधा हवाई उडान गर्न इजरायल सरकार इच्छुक रहेको समेत जानकारी गराएको सचिवालयले जनाएको छ ।

भेटवार्तामा राजदूत गोदरले इजरायल र काठमाडौं बीच सिधा हवाई उडानका लागि इजरायल सरकारले पहल गर्ने आश्वासन समेत दिएका छन् । राजदूत गोदरले नेपालको आन्तरिक हवाई उडानमा विदेशी र नेपालीको असमान हवाई भाडादरका विषयमा चासो व्यक्त गरेका छन् ।

मन्त्री आलेले नेपाल र इजरायल बीच सिधा हवाई सम्पर्कका लागि आफूहरु तयार रहेको जानकारी राजदूत गोदरलाई गराएका थिए ।

असमान भाडादर घटाउन सुझाव

भेटमा नेपालको आन्तरिक हवाई उडानमा विदेशी र नेपाली बीच रहेको असमान हवाई भाडादरका विषयमा समेत कुराकानी भएको छ । सो क्रममा मन्त्री आलेले भाडा घटाउन पहल गर्ने बताएका छन् ।

मन्त्री आलेले नेपालको विविध क्षेत्रमा इजरायले गर्दै आएको सहयोगप्रति धन्यवाद व्यक्त गर्दै आगामी दिनमा समेत सहयोगले निरन्तरता पाउने विश्वास समेत व्यक्त गरेका छन् ।

नेपाल सरकारले निजगढमा निर्माण गर्न लागेको दोस्रो अन्तर्राष्ट्रिय विमानस्थल निर्माणका लागि लगानीकर्ता जुटाइ दिन वा जीटूजीमार्फत काम गर्न समन्वय गरिदिन मन्त्री आलेले राजदूत गोदरसँग आग्रह गरेका छन् । यस विषयमा राजदूत गोदरले आवश्यक समन्वय र पहल गर्ने आश्वासन दिएका छन् ।

राजदूत गोदरले ड्राइभ इन सिनेमा (गाडीमा बसी ५० वटा ठूलो पर्दामा फिलिम हेर्न मिल्ने प्रविधि) नेपालमा पहिलो पटक प्रयोग गरी ५० मिनेट लामो इजरायली फिल्म हेर्न मन्त्री आलेलाई निमन्त्रण समेत गरेका छन् ।