रामकुमारी झाँक्री एमालेबाट आउट !

जागृति खबर संवाददाता

काठमाडौँ, २२ असार ।

नेकपा एमालेकी नेतृ तथा सांसद रामकुमारी झाँक्री पार्टी एक हुनै नदिने खेलमा लागेको आरोप लाग्न थालेको छ । अध्यक्ष केपी ओली र वरिष्ठ नेता माधव नेपालबीच आइसब्रेक हुनै लागेको दाबी युवा नेताहरुले गरिरहदा यता नेतृ झाक्रीले भने कुरा बिगार्ने ट्वीट गरेकी छन् ।

झाक्रीले अध्यक्ष केपी ओलीले आज (शुक्रबार) का लागि बोलाएको केन्द्रीय कमिटी बैठकलाई गुटको भेला भन्दै बिरोध गरेकी छन्।सामाजिक सञ्जाल ट्वीटरमार्फत झाँक्रीले आफूहरुले उठाउँदै आएका राजनीतिक र सांगठानिक मुद्धाको सम्बोधनबिना बैठकमा उपस्थित हुने कुरै नआउने स्पष्ट पारेकी छन्।

‘भ्रममा नपरौ भोली असार १८ गते नेकपा एमालेको नाममा आयोजना गर्ने भनिएको बैठक गुटको बैठक हो,’ बिहीबार राति उनले ट्वीट गर्दै भनेकी छन्, ‘हामीले उठाएका राजनीतिक र सांगठनिक मुद्धाको सम्बोधनबिना उक्त बैठकमा सहभागी हुने कुरै आउँदैन। आज बसेको हाम्रो स्थायी कमिटीको बैठकले उक्त बैठकमा नजाने निर्णय गरेको छ।’

माधव नेपाल पक्षले बिहीबारको कार्यदल बैठकमा अध्यक्ष ओलीले आजका लागि बोलाएको एमालेको केन्द्रीय कमिटी बैठक स्थगित गर्न आग्रह गरेको गरिसकेको छ।