पाकिस्तानमा दुई रेल एक आपसमा ठोक्किदा ३० जनाको मृत्यु

जागृति खबर संवाददाता

काठमाडौँ, २४ जेठ ।

पाकिस्तानमा दुई रेल एक आपसमा ठोक्किदा कम्तिमा पनि ३० जनाको मृत्यु भएको छ । दुर्घटनामा ५० भन्दा बढी घाइते भएको पाकिस्तानी सञ्चारमाध्यमहरुले जनाएका छन्। सिन्ध प्रान्तको डहरकी नजिकै सर सैयद एक्सप्रेस र मिल्लत एक्सप्रेस एक अर्कासँग ठोक्किएका थुप्रै घाइते भएका छन् ।

रेडियो पाकिस्तानका अनुसार यो दुर्घटना सोमबार बिहानै घटित भएको हो र मृतकको आँकडा बढ्न सक्ने अनुमान गरिएको छ ।

पाकिस्तान रेलवेका प्रवक्ताका अनुसार मिल्लत एक्सप्रेस कराचीबाट सरगोधा र सर सैयद एक्सप्रेस रावलपिण्डीबाट कराची गइरहेको थियो।

दुर्घटनाका कारण मिल्लत एक्सप्रेसको आठ र सर सैयदको इन्जिनसमेत तीन डब्बा पटरीबाट बाहिरिएका थिए भने केही डब्बा खाडलमा पुगेका थिए। यो दुर्घटना घोटको नजिक डहर तर्फ र रेतीको रेलवे स्टेशनको बीचमा भएको थियो। गम्भीर रुपमा घाइते यात्रीलाई अस्पताल पठाइएको छ । यस्तै रेलभित्र फसेका यात्रीलाई निकाल्नका लागि बचाउ अभियान सुरु भइसकेको छ ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।