काठमाडौंको कलंकी आसपास केन्द्र भएर भूकम्प

जागृति खबर संवाददाता

काठमाडौं, १५ वैशाख ।

काठमाडौंको कलंकी आसपास केन्द्रविन्दु भएर गएराति भूकम्प गएको छ ।

गएराति करिब २ बजेको समयमा ३.५ म्याग्‍निट्युडको भूकम्प गएको राष्ट्रिय भूकम्प मापन केन्द्रले जनाएको छ । भूकम्पको धक्काले कुनै क्षति पुर्‍याएको छैन ।
नेपालमा २०७२ वैशाख १२ गते गोरखाको बारपाक केन्द्रविन्दु भएर भूकम्प जाँदा आठ हजार बढीले ज्यान गुमाएका थिए भने कयौं भौतिक संरचना क्षतिग्रस्त भएका थिए ।

उक्त भूकम्पको पराकम्प जाने क्रम अहिले पनि जारी रहेको विज्ञहरुले बताउँदै आएका छन् ।

अस्पतालदेखि मसानघाटसम्म लाइनः परीक्षण, उपचार हुँदै मृत्युसम्म उस्तै

देश यी दिनहरुमा लाइनमा उभिएको छ । कोरोनाको दोस्रो लहरले यस्तो हालत बनाइदिएको हो । रुघाखोकी, ज्वरो र चिसो भयो भने परीक्षणको लाइन । यदि रिपोर्ट पोजेटिभ आयो भने अस्पतालबाहिर उपचारको लागि लाइन । यदि भाग्यले बेड मिल्यो भने अक्सिजनका लागि लाइन । स्वास्थ्य बिग्रियो भने रेमडेसिविरका लागि लाइन, अझ धेरै अवस्था बिग्रियो भने भेन्टिलेटरका लागि लाइन् । अन्ततः ज्यान गयो भने अन्तिम संस्कारको लागि मसानघातमा पनि लाइन ।

कुनै एक राज्य, शहर वा अस्पताल मात्र होइन, मानिसहरुले यसप्रकारको कठिनाई व्यहोरिरहेको । मध्यप्रदेश, राजस्थान, गुजरात, बिहार, महाराष्ट्र, दिल्ली होस् वा अरु कुनै साना ठूला राज्यहरु । हरेक ठाउँमा जिउँदा वा मृत मानिसहरुको एउटै ठाउँ छ- त्यो हो लाइनदेखि लाइनसम्म ।

यो फोटो लखनऊको लोहिया अस्पतालको हो । यहाँ मानिस आफ्नो परीक्षण गराउन आएका छन् । यहाँ कोरोनाबाट जुधिरहेका मानिसहरु सुरुवाती क्रममा छन् । यहाँ असफल हुँदा समस्याको लामो लाइन सुरु हुन्छ । भारतमा अहिलेसम्म करबि १४ करोड परीक्षण भइसकेको छ । यो संख्या महाराष्ट्रको पूरै जनसंख्या भन्दा दुई करोड बढी हो ।

गुजरातको अहमदाबादमा सोमबार एक अस्पतालको बाहिर एम्बुलेन्सको लाइन लागिरहेको देखिन्छ । यीमध्ये कोरोना संक्रमित बिरामी भर्ना हुन प्रतिक्षा गरिरहेका छन् । अस्पताल भित्रबाट खबर आएमा उनीहरुले बेड पाउँछन् । कयौं शहरमा अवस्था यस्तो छ कि बिरामीलाई उनका आफन्तहरुले एम्बुलेन्समा राखेर घुमिरहेका हुन्छन् तर अस्पताल खाली छैन ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।