३२.६७ अंकले ओरालो लाग्यो नेप्से

जागृति खबर संवाददाता

काठमाडौं, ११ फागुन ।

साेमबार नेप्से परिसूचक दाेहाेराे अंकले घटेकाे छ ।

यसदिन नेप्से परिसूचक ३२.६७ अंक घटेर २६०७.६७ विन्दुमा झरेको छ । त्यसैगरी, यस दिन सेन्सेटिभ इण्डेक्स ९.२२ अंक घटेर ४७०.३६ विन्दुमा झरेको छ ।

यस दिन नेप्सेमा २०७ कम्पनीको ७८ हजार ८५८ पटकको कारोबारमा ८ अर्ब ४० करोड ६३ लाख १० हजार रुपैयाँ बराबरको २ करोड १६ लाख १४ हजार कित्ता शेयर खरिदबिक्री भएको छ ।

आठ कम्पनीको शेयर भने सकारात्मक सर्किट लेभलमा कारोबार भएको छ । यस दिन नेपाल इन्फ्रास्ट्रक्चर बैंक, आँखुखोला, नेपाल हाइड्रो, अपर लगायतका कम्पनीको शेयर सकारात्मक सर्किट लेभलमा कारोबार भएको हो । आज सर्वाधिक शेयरमूल्य बढेका १० कम्पनीहरुको सूचीमा ७ जलविद्युत कम्पनीहरु रहेका छन् भने सर्वाधिक शेयरमूल्य घटेका कम्पनीहरुको सूचीमा ६ वाणिज्य बैंकहरु रहेका छन् । यस दिन सेञ्चुरी कमर्शियल बैंक, सिभिल बैंक, मेगा बैंकको शेयरमूल्य ५ प्रतिशतभन्दा बढीले घटेको छ ।

सोमबार कारोबार रकमका आधारमा एनआईसी एशिया बैंक शीर्ष स्थानमा रहेको छ । सो बैंकको यस दिन ३८ करोड २४ लाख रुपैयाँभन्दा बढीको शेयर खरिदबिक्री भएको छ । त्यसैगरी, यस दिन नेपाल इन्फ्रास्ट्रक्चरको ३२ करोड १२ लाख रुपैयाँभन्दा बढीको शेयर खरिदबिक्री भएको छ ।

आजका दिनमा ३१ वटा कम्पनीको सेयर मूल्य बढ्दा १३९ वटा कम्पनीको सेयर मूल्य घटेको छ । साथै ५ वटा कम्पनीको मूल्य स्थिर छ ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।