नंग्न तस्वीर सार्वजनिक गर्ने धम्कि दिएका विनयजंग बस्नेतविरुद्ध सपनाले दिइन् उजुरी

जागृति खबर संवाददाता

काठमाडौँ , २ फागुन ।

बिबिसीको प्रभावशाली महिलाको सूचीमा परेकी १८ वर्षीया सपना रोका मगरले विनयजंग बस्नेतविरूद्ध प्रहरीमा उजुरी दिएकी छन्।सपनाले आइतबार बस्नेतविरूद्ध महानगरीय प्रहरी परिसर, काठमाडौंमा अभद्र व्यवहारको जाहेरी दिएकी हुन्।

बस्नेतले युट्युबमा सपनाका नांगा तस्वीर पेनड्राइभमा भएको र ती सामाग्रीहरू सार्वजनिक गर्ने धम्की दिएका थिए। जाहेरी दर्ता भइसकेको छ र पक्राउ पुर्जी लिन टोली अदालत गएको बताइएको छ।

सो भिडियो भाइरल भएसँगै न्यायका लागि सपना प्रहरी समक्ष पुगेकी हुन् । बस्नेतले धम्कि दिएसँगै सपनाले सामाजिक सञ्जालमा आफूलाई आत्महत्या गर्न बाध्य पार्ने अवस्था बनाइदिएको अभिव्यक्ति समेत दिएकी थिइन् ।

उनीहरु मिलेर बेवारिसे शव जलाउने काम गर्छन् । केही समयदेखी उनीहरुबीच खटपट उत्पन्न भइरहेको छ ।

वेवारिसे शवको ब्यवस्थापनमा लागेर बीबीसीमा शक्तिशाली महिलाका रुपमा नाम निकालेकी सपना मगरको अ श्लि ल तस्बिर र भिडियो सार्वजनिक भएपछि उनले मुख खोलेकी छन् । उनले पहिलेकी सहकर्मी शर्मिलाले गरेको फोनको जवाफ दिँदै मुख खोलेकी हुन् ।

यस्तो काम विनयजंग बस्नेत बाहेक अरुले गर्नै नसक्ने भन्दै उनले आफूले पहिले बाबु भनेका बस्नेतमाथि आरोप लगाएकी छिन् । फोनमा उनले केही समय प्रतिक्षा गर्नुहोस् सबै बास्तविकता बाहिरिन्छ र अब जे गर्छ कानूनले गर्छ भनेकी छिन् ।

उनका त्यस्ता भिडियो र तस्बिर कसले सार्वजनिक गरेको हो भन्ने कुराको खोजी थालिएको छ । सपनालाई वेवारिसे शव ब्यवस्थापनको काममा मौका दिएका विनयजंग बस्नेतका बारेमा नराम्रा कुरा सार्वजनिक भएपछि त्यसको बदलामा यि तस्बिर सार्वजनिक गरिएको हुनसक्ने अनुमान यस अघि नै गरिएको थियो ।

सपनाले आफ्ना ति तस्बिर वास्तविक नभएको र कसैले वदनाम गर्न एडिट गरेका तस्बिर सामाजिक सञ्जालमा भाइरल गराएको हुनसक्ने बताएकी छन् ।

उनले यस विरुद्ध अब आफु कानुनी रुपमा जाने पनि बताएकी छन् । सार्वजनिक रुपमा छोरी मानेको सपनालाई विनयजंगले अस्वभावीक ब्यवहार गरेको भन्दै मिडियामा सार्वजनिक भएपछि अहिले सपनाका पनि नराम्रा तस्बिर सामाजिक सञ्जालमा भाइरल गराइएका छन् ।

सपना र विनयजंगको समुह अलग भए पछि बदला लिन एक अर्का विरुद्ध यस्ता अभिब्यक्ति र तस्बिर सार्वजनिक गरिएको अनुमान लगाउन सकिन्छ । सपनाका नितान्त ब्यक्तिगत कुरा र उनका विगतलाई पनि मिडियामा छताछुल्ल बनाइएको छ ।

सपनाको बुवा आमाले विनयंले सपनालाई छोरीको जस्तो ब्यवहार नगरेको आरोप लगाए पनि सपनाले प्रत्यक्ष रुपमा केही भनेकी छैनन् । उनले मिडियामा आएका कुराहरुका विषयमा मैले बोल्नु आवश्यक छैन । सबै कुरा सार्वजनिक भएकै छन् भन्दै भिडियो सार्वजनिक गरेकी छन् ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।